Si tratta di FURMÀ à l’usu di a lingua corsa… l’ANIMATORI (chjamati à sprìmasi à un micròfunu) di i fieri è altri manifistazioni culturali, spurtivi o cummirciali.
Hè un prugettu in cor’ di rializazioni è spiremu ch’eddu sarà cuncritizatu pà a riintrata di u 2021… Sarà ditagliatu strada facendu.
Hè un travaddu iniziatu cù a Fidirazioni di i Fieri Rurali Artigianali è Agrìculi di Còrsica (a FFRAAC) chì ci hà cunduttu à fà dui asempia di fieri tutalmenti cursizati in u 2016 in Aregnu (Fiera di l’amàndula) è in u 2018 in Filitosa (Fiera di u turìsimu campagnolu).
Travaddu chì ci hà purtatu à rializà ancu una càrtula pà a cursizazioni di i fieri cù 14 punta da tuccà. Tutti sò impurtanti ma hè sicura chì ci pari primurdiali di pudè fà risunà a lingua corsa à nantu à u campu di fiera, quandu l’animatori spassighjeghja d’un bancu à l’altru è ch’eddu parla cù u so micròfunu.
Hè a più bedda manera d’arradicà una fiera è i prudutta sposti, in un tarritoriu, criendu à tempu una ambienza favurèvuli à l’usu di a lingua corsa è dimustrendu tandu ch’edda hè bedda viva !
Cuntinutu pidagògicu
Insignanti, loca è ori d’insignamenta